Nu kastoy a tiyempo ti pinagtutudo ket tila ketdi malaglagip kon aglalo iti napaspasamak iti napalabas. Malagip ko man idi agbasbasaak jay low school (mababang paaralan… hehe) dagitay simple ngem makapaisem ken makapakatawa nga paspapasamak nga parte ti childhood memories ko. Nagalisto ketdin ti panawen kunak ta kasla idi kalman laeng ket … kankantaek tay graduation song mi a Let There Be Peace on Earth… sayang ngamin awan la ketdi ngamin ti class picture mi metten idi nagraduar kam ti elementaryan. Madi pay ngamin uso ti gadgets idi, nu agpaletrato kam idi ngamin ket mangkalbit ka tay letratista nga nangina singir na hehe Wen, sangapulo nga lessons wenno experiences ti ingkay mabasa pwera gura a ti gumura narabaw ubet na... umisem wenno ikatawa yo lattan hehe….. my brotherhood and sisterhood for your eyes only! :)
Umuna: Mamiss ko la unay dagitay ay ayam mi idi nga bawang base, chinese garter, patalunton, balay ni kulas, langit-lupa, bending (agingana marigis tay sapin mi idi..hehe) text, laban lastiko, tetching, lumba taray, kamat kamat, linemmengan etc.
Maykadua: Daydi umuna a padas ko a pinagsida ti tukak nga naprito ken adobo. Ti kanayon ngamin a pabalon daydi nanang ko ket karne nga adut taba na wenno manok ta pumarti met latta idi kadagitay alaga nan a manok nga ti luto na ket adobo. Isu nga ti pamay ak idi ket makisinnukatak ken daydi kaklasek, napalubos unay ragsak ko nu umasideg ti pinnanganan ti aldaw ta makaramanak manen ti adobo wenno naprito nga tukak. Maragsakanak la unay ngamin nu luktan tay kaklasek tay dua a pinggan a pagbalunan na, ta nu ikkaten na tay maysa a pinggan ket innem nga tukak nga nakangato ti ima na ti umis isem kadakami. hehe
Maykatlo: Diak la unay malipatan daydi napasamak a kalamidad, maysa a malem adda kam nga agkakaklase diay garden mi ta mayat pamula wenno pakali mi idi kadua mi tay mestro mi ket bigla lattan nga naggingined ti napigsa, apunay laketdin nga ikkis mi nga babbai idin, ti ammok idi kua ket daydiay ti patengga ti pinagbyagko ditoy daga. Madi ngamin uso ti emergency drill idi gagayyem.
Maykapat: Ti agpayso na dua laeng nga subjects ti ammok di grade school ak… Math ken Sibika… Nu sibika, ammom dapat nu sinno ti brain of the katipunan, sinno ti pimmatay ken lapu-lapu ken ti national hero ti pilipinas… nu met math idi dapat memorize ken alisto ka nga agmultiply ken agdivide idi… infairness ! deta met innak namaster hehe
Maykalima: Adda dua nga kaklasek nga mayat ti pakanta kanta da tay man, days of the week, maysa a malem nga agawid kami, naggapu kam eskwela, gapu ta sarsarunuwen mi ida ken tay bespren ko napakanta kami met ngem tultuladen mi ida… kastoy ti kanta da ngamin idi….. lunis, martis, miyirkulis, huwibis, biyirnis, sabadu domingu… gapu ta tultuladen mi idi ket nagshudut da ket kariten na kami metten ti kabil ket makikabilak met idi a (ana ngarud!) ngem idi mayat ti papwesto min, bigla a bimsug tay buteg tay kaklasek nga nakarit, ket bigla kam nagkakatawa agingana a kinankantyawan mi nagawid nagtartaray ti buteg! A bimmsug ngamin buteg na! haha daydi nakarit ket ni apo padi peace apo padi! :P
Maykainnem: Naglabas ka ti grade school nu napadasam ti nagkuto ti bukal nga uray lang sugod ket agkapsut pay ti kina adu ti kuto ken lis-a na wenno anglit wenno tay madi agsipspilyo malpas mangan (adu ngamin tay ruot wenno iit ti bulong ti niyog a pagingat… nyahaha)
Maykapito: Tay dumawat tak ti zoom zoom ken tay kaklasek ket dinak inikkan (nagimut), adda kaklase mi idi nga feeling genius, agitugot ti darakkel nga libro ken anchukos tas agimbabasa nu madama ti recess tay pakaan mi ti bulgur, agingagana awan ton ti makannan hehe, adda dua nga kaklasek nga umay agbasa idi ket pitak pitak kanayon saksaka da ngem you know? never been absent da ha, nadiskubre mi ti source ti laing na tay maysa a kalalaingan mi a kaklase … adda lupes ti uleg a naypalipit diay notebook na hehe, adda nabaut ko ti bukot na idi a kaklasek iti bislak ta nagsutil unay, jay garden daydiay, malagip mo? Haha, tay bespren ko ket kinalaban ko ti drawing for audition nangabak isuna ta ngamin diay bondpaper na adda mantika na wenno lana na ket obvious la unay nga pinatugutan na, daydi met mestra mi dina la inangot, kayat ko unay ti makilaban idi isu nga nagpuyatak nagdrawing ngem ayanna a dakes diak met naala, daydi immuli tay dua nga kaklasek ti kayo ti granatis nga adda baboy na a nakagalut diay baba na ket siak ti inaramid da a parasippaw…katawa ak la katawa ta diak makasippaw basta adda mapuros da nga dua ket diak masippaw ta kanen met daydi baboy min nalalaing a mangsippaw tay baboy ngem siak hehe idi bimmaba dan agsapul da ti granatis ket awan mayted ko ta nilamot amin tay nakagalut a baboy haha, nasileng ti bubuok dagitay dadduma nga kaklasek idi ta managlana da hehe, awan uniporme mi idi ingkam eskwela ket kaskamla nakapangbalay, shorts and shirts ang peg! Hehe, adda dua nga kaklasek idi nga lallaki nga peg da ti umay agbasa nga nakiting shorts da, infairness! napudaw legs diay maysa haha maysa pay tay kaklasek nga kakaasi lang unay nga mangbalikas ti nagan mi nu ayaban na kami (pero itattan ket alisto met agsaon and clear voice ha, nagpraktis cguro ng ilang taon) hehe adda met tay kaklasek nga kanayon a nakared ti sapin na hehe tay met maysa ket kanayon nga nakatak-in uray nakail ilet la ngarud tay shorts nan hehe uso pay idi ti pinnangan mi ti marbik kas kam la manok piso ti bayad ti maysa a marbik idi, ti binting makagatang paylat kendi idi, uso ti agpakulot idi nu recognition day, (looking at my pictures way back, my hair was likened to a cauliflower… kulot diay bangs ko ken ti dulo diay buok ko hehe) uso pay gayam idi ti buok nga seven cut, mayat pay a pag gel wenno pagpatangken ti buok tay kalamansi, ken naimas a susupen tay sabong ti santan hehe, adda kaklasek idi nga nu mapan sentro ket libre aglugan lang ti bus sabay kidday hehe, adda kaklase mi nga kinakabil nansa idi diay mestro mi isu madi met immay pulos nagbasan...naglaklakay sa lattan, awan met damag kon.. :)
Maikawalo: Gaput kinalampong mi ket naladaw kam diay eskwela maysa a malem ket binaot na kam ni mestro mi, pinak ulan ni maam ti ulok idi ti libro ta diak intugot daydi librok, para pidot kam ti lugit ti manok idi diay klasrum mi, uso ti star scout ken girls scout idi ken softball player ka, inkam maki laban idi diay sentro uray napigsa ti tudo ket uray kam la mabasbasa diay uneg ti traysikel ni mestro mi idi ket ala latta, agyamanak sir ti determinasyon ken sakripisyo yo, inkam agbasa ti bigat ket malpas morning ceremony ket agkaykay kam nga umuna kasdiay tumet ti malem bago kam agawid agkaykay kam tu manen, aglako kami idi ti lako tay mestra mi a tag bibinting, tsokolate, bukayo basta dagitay sinam-it tiltiladda nu di malako ket pautang bayad nu bigat, karurud ko unay idi ti agdalus ti washroom wenno c.r. ta nagrigat ti agsakdo ti danum sapay nagangseg diay padalusan da hehe, kay ayuk met ti agluto ti bulgur ta ngamin exempted ka diay klase hehe, diay H.E. room mi idi ket hunted room adda marmarna na, kabuteng mi unay idi tattan ket adda met kolores nan, adut kayo ti mangga a darakkel diay eskwela mi isu kanayon kam agkaykay idi, uso idi ti fido dido, felix the cat, rambo nga headband, tsinelas shorts t-shirts etc., ti notebook ko idi ket rupa ti artista rupa ni romnick sarmenta, sheryl cruz wenno ni jennifer sevilla ken nino muhlach, nu saan nga artista ket sabsabong ti cover ti notebook ko idi, dagitay gayam memestra mi idi ket babbakket da ken kulot ti bubuok da hehe, makitak lang nakasapatos da idi nu tay recognition wenno graduation mi wenno adda mangbisita diay eskwela mi hehe
Maikasiyam: Siak ti maysa a katatayagan idi, adda ak kanayon diay likod nu aglinya kami (according to height) ngem itan siak met kababassitanen hehe, maysa ak kadagiti three drummers (as in drummer girl hah) ti maysa parade nalidayanak la unay ta lumabas kam diay sango ti maysa nga eskwela ket booooooh! Kuna ket ti taon (dida nakita ti rigat mi… urayak la lingling eten ken makabutbutegag nga agdadrum idi), saak la sumapatos idi nu agpasentro ak nu adda misa ti domingo ken nu inkam maki compete diay sentro , feeling discriminated ak idi nu inkam diay sentro kas kam la tay naggapu diay far-flung place ngamin ngem gapu ti suporta dagiti memestra ken mestro mi…ala ket go kam latta met idi a…
Maysangapulo: Idi napanak nakilaban ti kanta nga ti title na ket MAY BUKAS PA, adda met naalak bassit a premyo sangagasut sa idi ngem impadonar daydi mestrak mapan eskwela ta ngamin pagbayad kano kuryente hehe, indonar met ni nanangko, piso lat balon ko a kwarta idi tas rebisco, ti libro mi idi ket mabulod diay eskwela bahala ka nga mangcover nu kurang page nan diskarte amon, kay ayuk idi ti inartem nu pumasentro ak idi puro inartem a balayang innak pangigatgatangak kwartak uray ung ungtannak to ni nanangkon, kanayon kam aggabut ruot idi… hehe Lastly, malagip kuman daydi kaklase mi idi a dios ti alwad na a ni mary jane … eternal rest grant unto her o God and may perpetual light shine upon her, may she rest in peace amen.
Gagayyem uray naggapu kam ti nakurapay a pampamilya ken simple kam laeng nga uubbing idi, uray nu kaskasanu ket maapresyarak unay dagitay nagbalinan dagitay bentesingko nga uubbing nga naggapu ti away, nagradawar diay mababang paaralan ken awan pulos ti exposure na ti technology.
1. Arnel – nagbalin a U.S. navy
2. Glenn – dakilang ama
3. Lester – maysa a seaman
4. Joburd – maysa met a seaman
5. Julius – dakilang ama
6. Jay- dakilang ama
7. Christopher – maysa a barangay watchman, tumultulong para ti linak ken talna ti barangay
8. Joseph – dakilang ama
9. Benidin – dakilang ofw
10. Mar – dakilang ama
11. Alex – (awan damag ko)
12. Mario – dakilang ama
13. Loreto – dakilang ama
14. Roberto – maysa a padi ti aglipayan
15. Jodelyn – dakilang ofw
16. Annalyn – dakilang ina
17. Genalyn – dakilang ofw
18. Evelyn – isang manager
19. Eva – dakilang ofw
20. Rachel – dakilang ina
21. Laura – isang dentista
22. Milagros – dakilang ina
23. Loane – isang negosyante
24. Mary jane – heaven smiling at us… ilualwan na kami
25. AKO – kunada nasutil lak idi agin ana ita nasutil latta, hehe isang hamak na manggagawa na ang nais lamang ay makatulong sa abot ng aking makakaya sa mga batang Pilipino lalong lalo na sa mga kababaihan…
